მთავარი » » ირაკლი ჩარკვიანის ლექსი - * * * ეძღვნება მათ, ვინც ხიდამდე მიაღწია

11:25 PM

ირაკლი ჩარკვიანის ლექსი - * * * ეძღვნება მათ, ვინც ხიდამდე მიაღწია

წარწერა ფილმზე
"სამი ნაბიჯი უფსკრულში"

მთვარე ვერ გასცდა რუბიკონს,
ჰანიბალს თავი დაუკრა,
რომაელ ლეგიონების
კარავზე სხივი აუცვდა.
თავქვე წაიღო სიმძიმემ,
დაგორდა დედამიწისკენ,
თანდათან დაპატარავდა,
თავი დახარა მიწისკენ.
თეთრ ბურთად გადაქცეული,
თეთრკაბიანთან მიგორდა,
პატარა ბავშვის თვალები,
ათინათებად მიკრთოდა.
ჩატეხილ ხიდთან გოგონამ,
მთვარის ალერსში გართულმა,
მარტოობისგან გვემული
იხმო მესამე ნაპირთან.
მთვარე მიწაზე დაუშვა,
თავს მოეფარა დაგდებულს,
და თვალი ავლი სისხლისგან
თოკზე წითელ კვალს გავლებულს.
არ დაივიწყოთ სატანა,
ბავშვის თვალებში ნახული,
იცოდეთ,რომ რუბიკონი
არ არის გადალახული.
1980