მთავარი » » უცხო მოყმე - მთვარის ბილიკი

2:09 PM

უცხო მოყმე - მთვარის ბილიკი

მთვრალი ქარ-ფუნჯით ქარს ხატავს ქარი,
მთვარე თვალ-ლურჯი ჰკიდია საწყლად...
ინებეთ მთვარე, ეგ თქვენი არი? -
თქვენ დაგივარდათ.

დაკეცეთ ქოლგა, ხომ ხედავთ, არ წვიმს,
ღრუბელი ტკივილს იკავებს თითქოს.
ნუ მალავთ მზერას, ლექსებად დაცლილს,
ნუ შეისწორებთ საყელოს, იყოს!

ნუ გაშლით ქოლგას ამ ფრთების ნაცვლად,
ისედაც სტკივათ მიწიერ ტომებს,
როცა ვასკდებით ამ უხეშ ასფალტს
და ფეხსაცმლების ანაბეჭდს ვტოვებთ.

ვიცი, დავიტევთ მითიურ დრამებს,
ვიცი, ვისწავლით ფრენას და ყოფას,
მაგრამ დილამდე თუ ჩაკვდა ღამე,
სამარადისოდ ერთი ლექსის ბწკარი გვეყოფა