მთავარი » » ნიკა ნორიელი - თეთრი გავხდები

11:13 AM

ნიკა ნორიელი - თეთრი გავხდები

მე დავბერდები, მაგრამ სიბერით,
ვერ შემაშინებს ვერც ერთი ღმერთი.
ჩემთვის სიბერე არ არის ტვირთი,
ჩემთვის სიბერე არ არის ნისლი.

მომეწონება თეთრი თმა–წვერი,
ვიტყვი, ლამაზი გავხდი, მე მგონი.
მაგრამ ბოროტი გაჩნდება ეჭვი,
დამჭკნარი სახე, ბევრი ნაოჭი...

ამ დროს მუხლებზე პატარა ბავშვი,
ჩამომჯდარია, მიღიმის ლაღი.
და მავიწყდება ჩემი ფიქრები,
მეც ხომ სხვებივით გარდავიქმნები.

გული არასდროს ბერდება, ვიტყვი,
თუ შენ გექნება ამის სურვილი.
სახე - ჯანდაბას - ეგ არაფერი,
ნაოჭსაც კი აქვს თავისი ხიბლი...