მთავარი » 2013 » მაისი » 3 » გიორგი ზანგური - მტკაველზე მარხავდნენ ბავშვები მერცხალს ... / giorgi zanguri - mtkavelze markhaven bavshvebi merckhals ...

11:56 PM

გიორგი ზანგური - მტკაველზე მარხავდნენ ბავშვები მერცხალს ... / giorgi zanguri - mtkavelze markhaven bavshvebi merckhals ...

"მტკაველზე მარხავდნენ ბავშვები მერცხალს
ფოთლის სუდარა ტანზე ესვენა,
ეზოში ქალი თეთრეულს რეცხავს,
თვალები მასაც სევდით ევსება.

საფლავზე ეწყო ფერადი ქვები,
და ჩამომჭკნარი ორი გვირილა,
ბავშვები, მერცხლის ჭირისუფლები,
თამაშ–თამაშში იქცნენ ტირილად.

პატარა გოგომ გაბერა ტუჩი,
მისი ფანჯრის ქვეშ ჰქონია ბუდე,
იწვა თავისი ფეხსაცმლის ყუთში
როგორც კუბოში, ყველანი დუმდნენ.

უმღერეს ერთად ჟუჟუნა წვიმა,
მეტი გალობა ჯერ არ იციან.
კაცთან მივიდნენ და უთხრეს ცივად:
ჩიტი მოგვიკვდა, ლადო ბიძია".