მთავარი » » მურმან ლებანიძე - ოდესმე დიდი ყოფილა საქართველო / murman lebanidze - odesme didi kofila saqarvelo

2:08 AM

მურმან ლებანიძე - ოდესმე დიდი ყოფილა საქართველო / murman lebanidze - odesme didi kofila saqarvelo

ჩემო თვალნათელო, ჩემო სანატრელო,
ოდესმე დიდი ყოფილა საქართველო.
ყოფილა დავით-მეფე-აღმაშენებელი,
ყოფილან ოპიზრები-გასაშტერებელი;
ყოფილა მოდრეკილი, ყოფილა ცურტაველი,
რასაც მოჰყოლია შოთა რუსთაველი...
ჩემო მიმინო და ჩემო ფრთანათელო,
ოდესმე დიდი ყოფილა საქართველო.
ყოფილა ნიკოფსით-დარუბანდამდე
გაჭენებული და გამოჭენებული;
რტოებგაშლილი და გამოჩინებული,
ყოფილა ორ-ზღვას-შუა აღმოცენებული.
ფიე, საქართველოს ჰყოლია ვასლები!
თამარს უკრეფია სულ ოქროს ვაშლები!
ტევრი გვიწალდია, ისე გვიზარდია,
რომ გავმზადებულვართ ახალ ბიზანტიად.
მაგრამ უცაბედად მატლი არეულა,
ბორბალი უკუღმა დატრიალებულა.
ჩვენთვის მონღოლია პირველი სასჯელი.
მონღოლს მოჰყოლია თურქი და სპარსელი.
ტურფა საქართველო ყორნებს წაუღიათ,
სპარსეთს და ოსმალეთს შუაზე გაუყვიათ.
ჩაშლილა თვალი და ჯაჭვი ჩარღვეულა,
იყალთო დაკეცილა, გელათი დანგრეულა.
ოთხ მეფეს სულ სისხლის ცრემლები უცრემლია,
ოთხივეს საბრალო ლექსები უწერია,
-რა დროს ლექსიაო, მოუკვდა პატრონი!-
ხმლით შემოვარდნილა ერეკლე-ბატონი...
ამას მოჰყოლია: „ვაჰ, დრონი! ვაჰ, დრონი!“
ჩემო თვალნათელო, ჩემო ფრთანათელო,
ოდესმე დიდი ყოფილა საქართველო!

murman lebanidzis leqsi, murman lebanidzis leqsebi, murman lebanidzis poezia, saqartvelo, tamar mefe, davit agmashenebeli, erekle batoni, nikofsiidan darubandamde, murman lebanidze, odesme didi kofila saqarvelo, odesme didi yofila saqartvelo, ოდესმე დიდი ყოფილა საქართველო, მურმან ლებანიძე, მურმან ლებანიძის ლექსები, მურმან ლებანიძის ლექსი, მურმან ლებანიძის პოეზია ...

გამოხატეთ თქვენი აზრი მოცემული ლექსის შესახებ კომენტარის სახით!..

Name: მურმან ლებანიძე - ოდესმე დიდი ყოფილა საქართველო / murman lebanidze - odesme didi kofila saqarvelo
Item: მურმან ლებანიძე - ოდესმე დიდი ყოფილა საქართველო / murman lebanidze - odesme didi kofila saqarvelo
Author: mari