მთავარი » 2013 » ოქტომბერი » 28 » გურამ ლაცაბიძე - სანახევრო ლექსი / guram latsabidze - sanakhevro leqsi

4:19 PM

გურამ ლაცაბიძე - სანახევრო ლექსი / guram latsabidze - sanakhevro leqsi

ენგურს აქეთ საქართველო იცვამს გლოვის ჭილობებს,
ვინაიდან ენგურს იქით ვერ იშუშებს ჭრილობებს...

ენგურს აქეთ არ ვუჩივით ტკივილსა და იარას,
ენგურს იქით, სასიკვდილოდ, ჩვენს თავს ვესვრით იარაღს...

ენგურს აქეთ, რწმენის ოფლით, ავაშენეთ ტაძარი,
ენგურს იქით ვერ ჩავაქრეთ ძმათა ხოცვის ხანძარი...

ენგურს აქეთ დავადუმებთ მტრის ორლესულს მუნჯივით,
ენგურს იქით ზარბაზნების ნაკლებობას ვუჩივით...

ენგურს აქეთ, რა გვიჭირს და... ვართ სამშობლობს მფლობელი,
ენგურს იქით გველოდება გადაღლილი მშობელი...

ენგურს აქეთ თავს ვიწონებთ ქართველობით და ვისღა
ანაღვლებს რომ ენგურს იქით მთლად გაშავდა შავი ზღვა

ვდგავარ ასე სანახევრო, საკუთარ თავს ვემდური,
ღმერთო, როგორ ვინატრო რომ ერთ დღეს დაშრეს ენგური...

გურამ ლაცაბიძე - მეცამეტე თვის პოეტები