მთავარი » » თათია ბეიტრიშვილი - სიყვარული არ იცი / tatia beitrishvili - siyvaruli ar ici

8:01 PM

თათია ბეიტრიშვილი - სიყვარული არ იცი / tatia beitrishvili - siyvaruli ar ici

სიყვარულზე ლაპარაკობ,
ამბობ ბევრი მესმისო.
და ამტკიცებ რომ დიდ გრძნობას
დიდი ტანჯვა ერთვისო.
ვიცი რომ არ დაგიკარგავს,
შენ სიცოცხლის სურვილი.
ალბათ არასდროს გიგრძვნია
მისი ნახვის წყურვილი.
თუ არასდროს გიგემია
სიყვარულის სასმისი
და არასდროს განგიცდია
ჟრუანტელის საწყისი.
თუკი უკვე აღარ გახსოვს
მისი სულის მშვენება
და ამბობ რომ ის სუნამო
სხვების სუნში გერევა.
თუ ყველაფერს გირჩევნია
ლუდი, ყავა, ქალები,
მინდა ერთი რამ გირჩიო
გაახილე თვალები.
ერთ რამეში გეთანხმები,
რომ გართობა კარგია,
მაგრამ შენს თავს რომ იტყუებ
ნეტავ რაში გარგია.
მინდა გითხრა რომ ბავშვი ხარ,
ჯერ ცხოვრება არ იცი.
შენ არავინ გყვარებია,
არ დაიწყო აქ ფიცი.
მომავალში ნუ დაიწყებ,
სიყვარულზე ლაპარაკს.
ახლა მოვრჩეთ, საუბარი
სხვა თემაზე გადამაქვს...

თათია ბეიტრიშვილი