ოთარ რურუა - საქართველოში / otar rurua - saqartveloshi
საქართველოში თუ დაიბადე ნუ მიეცემი ძილსა საღათას, ურჩობისა და ღალატისათვის თავს წაგაცლიან, როგორც პაატას. საქართველოში თუ დაიბადე დაგკორტნის ყვავი, ფრთებს როცა გაშლის... სალ კლდიდან მეფის გაცემისათვის გადაგაგდებენ ვით ყორღანაშვილს. თუკი გადასწყვეტ ტაძრის აგებას, უნდა ააგო ტაძარი მტკიცე; კარგს ააგებ და ემაგ მარჯვენას ისე მოგჭრიან, ვით არსაკიძეს. გაიხარებენ შადიმანები, თუ გიხილავენ ქართველს დარდიანს... პაპანაქება სიცხეში ტანზე თაფლს წაგისვამენ, როგორც დადიანს!.. ამიტომ უნდა მტკიცედ იდგე და სულიერადაც არ უნდ დაეცე, კოსტავასნაირ ადამიანებს დღეს ქართველობა სანთლით დაეძებს. ვიყავით, ვართ და კიდეც ვიქნებით, მრავალჭირვარამგადახდილები... თავისუფლების სადარაჯოზე დგანან ახალი ავთანდილები!!!
გამოხატეთ თქვენი აზრი მოცემული ლექსის შესახებ კომენტარის სახით!..
