მთავარი » 2015 » მაისი » 6 » მიხეილ ქაშიაშვილი – სული გაიჭრა / mikheil qashiashvili - suli gaichra

11:18 PM

მიხეილ ქაშიაშვილი – სული გაიჭრა / mikheil qashiashvili - suli gaichra

სული გაიჭრა სივრცეებს მიღმა,
როს ზენარ ნებას მან უთხრა ნდობა...
ვერ დაიჭირა ცხოვრების ჩიხმა
და ცივ სამყაროს დაემშვიდობა!

ეჰე, ეჰეჰე! თქვენ, ვარსკვლავებო!
მოვქრივარ თქვენსკენ ანგელოზივით!
დიდებულია სილაღის გემო,
როს გაშლილ ეთერს მივაპობ ჟინით!

რა შეაკავებს ამ სურვილს, წადილს,
ვინ იტყვის "სულო, დაკეცე ფრთები".
ო, სპეტაკია ეს სწრაფვა ცამდის,
როს აღმაფრენის სისწრაფით ვტკბები!

ვიცი, ო, ვიცი, რომ რაც დრო გავა,
ბევრი მომყვება თვით ცაში ფრენით!
არ უნდა იმას განსჯა და დავა,
რომ უკვე მივწვდი ცას აღმაფრენით..!

სული გაიჭრა სივრცეებს მიღმა,
როს თვით ზენაარს მიუგო ნდობა...
ვერ დაიჭირა ცხოვრების ჩიხმა
და ბნელ სამყაროს დაემშვიდობა...

ავტორი: მიხეილ ქაშიაშვილი