მთავარი » » ნიკოლოზ ქართველი (ძამიაშვილი) - წიგნები – ჩემი შვილები წვიმაში / nikoloz qartveli (dzamiashvili) - tscignebi - chemi shvilebi tsvimashi

7:37 AM

ნიკოლოზ ქართველი (ძამიაშვილი) - წიგნები – ჩემი შვილები წვიმაში / nikoloz qartveli (dzamiashvili) - tscignebi - chemi shvilebi tsvimashi

ხიდზე მდგარს წვიმაც კი გამიგებს,
როდესაც მღელვარე მტკვარი ჩანს.
ოცნება ფიქრებსაც დაუფენს
ხალიჩას.

წიგნები მიყვარს და მოწყენაც.
მოძრაობს ბილიკზე სხეული,
ბარბაცებს ის ლანდი რომელსაც
მე ვუვლი.

ვინახავ ჩემს წიგნებს, გავცივდი.
უბეში არ სცივათ ამ შვილებს.
ვიღაცა ყიდის ბავშვს. ბავშვი კი
ამშვიდებს...

ქურთუკშიც სველდება ბავშვი და
მოვრჩები უკვე ამ ბოდვებს მე.
წიგნსაც კი ცრემლები წაშლიდა
ოდესმე!..

ნიკოლოზ ქართველი (ძამიაშვილი) - 03.05.2015