მთავარი » » კარლო კაჭარავა — ერთი თვით ადრე — 1987 / karlo kacharava - erti tvit adre - 1987

10:42 AM

კარლო კაჭარავა — ერთი თვით ადრე — 1987 / karlo kacharava - erti tvit adre - 1987

პური, ანგელოზი, თანხლება.
გრძელი მშვიდობიანი წვიმები.
წერილები, ისევ სიზმრები.
შემოდგომა, რომელიც ძალიან ლამაზი იყო სადღაც ფინეთში.
ზღვები, რომლებსაც შენ იხსენებ ღამით დასაძინებლად წასვლის წინ.
თეთრი კონვერტი.
მარკა: სინიორელის პორტრეტით.
მწუხარეა არა შეტყობინება,
ან მისი მიღება განშორების, ვეღარ შეხვედრის შიშით.
არამედ სხვა: სადღაც არყოფნა
და შეგუების წყნარი სიხარული.
ნავსადგური,
სანაპიროზე წყნარი ხეტიალისას
ის არ ფიქრობს.
ფრინველები.
წვიმები.
ხსოვნაში არ არსებობს განურჩევლობა.

კარლო კაჭარავა — 1987
კალუგა, ახლებენინო, საავადმყოფო