მთავარი » 2013 » მარტი » 18 » მე და შენ ახლა,

0:31 AM

მე და შენ ახლა,

მე და შენ ახლა, სწორედ ამ ღამით
ვიცეკვებთ ერთად ,უჩუმრად ''ტანგოს'',
მოგვიანებით სიშორე წაგვშლის,
რომ ვიღაც მთვრალმა არ გამოგვლანძღოს.

ჭექა-ქუხილი წამოშლის ჩიტებს
ღრმად გადაწოლილ დაბურულ ტყიდან,
მე მოგუგუნე ბინდბუნდში გკარგავ,
მხოლოდ ხელს გიქნევ მოქუფრულ ციდან.

აღელვებული ზღვა გადარეცხავს
სანაპიროზე ფეხის ნაკვალევს,
წვიმის წვეთები წყდებიან ღრუბლებს,
ჩუმი ლოდინი ნერვებს აწვალებს.

მე და შენ ღამით სანაპიროზე
ისევ ვიცეკვებთ წვიმაში ''ტანგოს''
ზღვის ტალღა წაგვშლის ორივეს ალბათ,
ვიღაცა მთვრალმა, რომ არ გაგვლანძღოს.