გუშხამ ვნახე იალონი კურცხალს აღვარღვარებდა მზეც ბავშვივით გაბდღალული მიწას ავარვარებდა დღეც გადელდა უდღეობით შემაღონა ღამის კუთვამ კვლავ გათენდა უშენობით შემიწუხა სული ხუთვამ
ფიქრებს ფიქრით დაბღოტილს ჩაგეკონოს სურს ყიაში ცავ შენს მკერდზე ჩაძინება, გაღვიძება მსურს იაში ხელებს მელნით მოდღურულს ნუ ჩამოწერ შავ სიაში ცავ ცახოცი მოიხადე წამომყევი გთხოვ ფიაში
მინდა წამი წამწამებით ჩვენს გულებში დავატყვეოთ ჩვენს ეზოში ბჟოლა დავრგოთ და უდაბნოც გავატყეოთ საკარიას გავუფრთხილდეთ არ მოგვტაცოს მელამ ნეზვი დღეს მუცელიც გაგებერა ოვალურად როგორც ნესვი
გოჟოიანს იალონზე თუ გიხილავს ჩემი ფეთქვა სიყვარულზე შეყვარებულს მიყვარხარო მინდა მეთქვა თუმცა ბედმა ამბარძღა და თეთრ ქაღალდზე დამაქცია შენი თავი წამართვა და ჯოჯოხეთში გამაქცია
მგონი როფავს კურმუხეთში , დროსაც თურმე ციოდა გავტიალდი თბილ რითმებში შენთან ყოფნა მშიოდა მარტოობით ნამარტოვებ გულს ახსოვდა ორი ფერი შენ ხომ ჩემი ვერ გახდი და უაზროა ყოლიფერი
ა.ჯანჯღავა
გამოხატეთ თქვენი აზრი მოცემული ლექსის შესახებ კომენტარის სახით!..
