მთავარი » 2014 » აპრილი » 29 » ნიკოლოზ ძამიაშვილი (ქართველი) - სიცოცხლე მე არ მახარებს, სიკვდილის არ მეშინია ... / nikoloz dzamiashvili (qartveli)

12:26 PM

ნიკოლოზ ძამიაშვილი (ქართველი) - სიცოცხლე მე არ მახარებს, სიკვდილის არ მეშინია ... / nikoloz dzamiashvili (qartveli)

სიცოცხლე მე არ მახარებს,
სიკვდილის არ მეშინია,
კანტატა როცა გამღერებს,
მუსიკაც გალეშილია.

სიმთვრალის იმიტაცია,
სიგიჟე მოგონილია,
სილაღის ილუსტრაცია,
ღიმილის ორმოც დიდია

სადაცა ერთად ღიმილთან,
სიმშვიდის არის ორმოციც,
უაზროდ ვდგევარ ბილიკთან,
მიყვირის ვიღაც მოლოცვით.

გვედზე მაქვს ერთი საწოლი,
ფიქრები მიქრის სადღაცა,
გრძნობები მაქვს ასაწონი,
უსიტყვოდაც კი არ მაქვს ცა.

ჰაერი თითქოს ქრება და
მიჭირს მე სუნთვა ისევე,
ბალერო, ვალსი კვდება და
ტანგოთი გულიც ისვენებს.

სიყვარულს აღარ დავეძებ,
უბრალოდ ცეკვა მომინდა.
სიმღერაც მე ვერ გავბედე,
ვნებითვე სიტყვებს მოვიტან.

ოცნებაც სევდით ილევა,
სხეულიც ნაზად იღლება,
ტალღებში მშვიდი ცურვა და
სათქმელიც ლექსად იგება.

სამყაროს ვუცქერ სხვა თვალით,
იმედიც დაგესლილია,
სიცოცხლე მე არ მახარებს,
სიკვდილის არ მეშინია!..

ნიკოლოზ ძამიაშვილი (ქართველი) - 18 / 04 / 2014