მთავარი » » ოთარ (ოთო) ფალიანი - აფხაზეთი / otar (oto) faliani - afkhazeti

12:30 PM

ოთარ (ოთო) ფალიანი - აფხაზეთი / otar (oto) faliani - afkhazeti

გადაივლის ეს ღამეც და მთვარის ბინდიც-
სადღაც წავა მშვიდად მიჩუმათდება,
დაიხსომეთ საქართველო აფხაზებო!
აფხაზეთით იწყება და მთავრდება!

შარათანით, მგზავრულით თუ აზამატით,
მოვდიოდით ოდოიით, ცეკვა ლხენით,
მაგრამ ბოლოს ერთიანად გავჩანაგდით
გატეხილი, გაძარცული, ტაძრებივით.

ძველებურად ვეღარ ვუგებთ კაკანათებს,
ჩიტებს ანუ აფხაზეთის ცის შვილებს
ცოტა ხნის წინ ავტომატი ვაკაკანეთ,
უფრო ადრე მორდუს ქალი ვიშვილეთ.

მოჩქეფს ბზიფი თვალს უსწორებს ეშერი და
ცოტა ზევით ბანს გასძახის ფსოუს წყალს,
წუხელ თურმე სულ შემთხვევით თემურის და
იმ ჩვენს ხვიჩას ერთმანეთი მოუკლავს.

ვაზის ჯვარი ნამტვრევებად მთლად ქცეულა,
ბოდბის კედლებს წამოსტკივდათ მუხლები
წმინდა ნინო საფლავიდან გაქცეულა,
გაპარულან რძისფერ ცაზე ღრუბლები.

გადაივლის ეს ღამეც და მთვარის ბინდიც-
სადღაც წავა მშვიდად მიჩუმათდება,
დაიხსომეთ საქართველო აფხაზებო!
აფხაზეთით იწყება და მთავრდება!

... ... ...