მთავარი » » მიტროპოლიტი თადეოზი (მირიან იორამაშვილი) - ჯერ არ გავსულვარ ცხოვრების გზაზე / mitropoliti tadeozi (mirian ioramashvili) - jer ar gavsulvar

7:28 PM

მიტროპოლიტი თადეოზი (მირიან იორამაშვილი) - ჯერ არ გავსულვარ ცხოვრების გზაზე / mitropoliti tadeozi (mirian ioramashvili) - jer ar gavsulvar

ჯერ არ გავსულვარ ცხოვრების გზაზე,
მაგრამ მიზანი სწორი გზით მიხმობს
და დავალ ასე,იმედით სავსე
და მომავალზე ვფიქრობ და ვფიქრობ.
მიდის ცხოვრება სწრაფი დინებით,
ტალღას ტალღაზე გააქვს გუგუნი,
ვერას ვუშველი აქვითინებით,
მეც ფოთოლი ვარ ამ საუკუნის.
და ცხოვრებაზე გულგატეხილი
მინდა ვეგონო ქვეყნად არავის.
მინდა ვიქუხო მგრგვინავ მეხივით
და ან კი რა მაქვს დასაფარავი?!
მაგრამ სიდინჯე სიბრძნის ძმა არის
და თუ რამ გტანჯავს,თუ რამ გაწუხებს
უნდა როგორმე არ შეიმჩნიო,
უნდა გაუძლო ყველა მარწუხებს...
...მიდის ცხოვრება სწრაფი დინებით,
ტალღას ტალღაზე გააქვს გუგუნი
ვერას ვუშველით აქვითინებით,
მეც ფოთოლი ვარ ამ საუკუნის.

(ძველი რვეულიდან)
მიტროპოლიტი თადეოზი.

... ... ... ... ...