მთავარი » » ნიკოლოზ ქართველი (ძამიაშვილი) - ამდროინდელი ცხოვრებისეული ლექსი / nikoloz qartveli (dzamiashvili) - amdroindeli ckhovrebiseuli leqsi

6:20 AM

ნიკოლოზ ქართველი (ძამიაშვილი) - ამდროინდელი ცხოვრებისეული ლექსი / nikoloz qartveli (dzamiashvili) - amdroindeli ckhovrebiseuli leqsi

მიწაც იხრწნება დღეს სიბოროტით
მხოლოდ დარჩება ცა ჩემს თვალებში
სუფთა, წმინდა და უსპეტაკესი
როცა ვიცი რომ მე და კროსვორდი
უჯრებს ცარიელს კითხვების გარდა
მე დამიტოვებს და იმ რეკლამებს
რომელიც გაზეთს დაიმეგობრებს
თითქოს არ ვამჩნევ. მივედი კართან
სადაც ოდესმე თუ შემიშვებენ
მაინც ვიფიქრებ, რა არის წმინდა?
როცა მამა ხარ, ჩააცვი წინდა
ბავშვის სურვილით ან შენი ნებით.
ისევ არ ვიცი რით დაგარიგო,
თუ სახეს ღიმი დაუმარხავად
გაქვს შენ შემხმარი აკუტაგავას
წაგიკითხავ და თან გაგარიდებ
დღეს ამ ცხოვრების გაუსაძლისი
ღარიბი, მშვიდი, უმუშევარი
ხალხის გაძლებას თუ სულ მდევარი
ორ ლუკმაზეც კი გაუყადრისებს
თავს უამრავი და ხელს გაიწვდის
(ამას მე რომ ვწერ, ალბათ კითხულობ...)
და თუ ტექნიკას გამაყიდინებ
ორ კაპიკს მე შენც გაგინაწილებ.
მე ალბათ შევძლებ, მარადის გემის
ფუძე თუ არა, გეზი შევცვალო
და აგარიდო, ძმაო შენ გწამს რომ
მე ამას შევძლებ, მაგრამ ვერ გესვრი!..

ნიკოლოზ ქართველი (ძამიაშვილი) - 20.07.2015