მთავარი » » ნიკოლოზ ქართველი (ძამიაშვილი) - პარკში შევედი... / nikoloz qartveli (dzamiashvili) - parkshi shevedi...

6:23 AM

ნიკოლოზ ქართველი (ძამიაშვილი) - პარკში შევედი... / nikoloz qartveli (dzamiashvili) - parkshi shevedi...

პარკში შევედი...

მივუყვები გზას და
არ ვიცი მე რა ვქნა,
ქვებს ვესვრი მდინარის
შენაკადს და რას ცვლის?

მაინც სიცხეა...

ბალახზე დავწექი,
ვუსმენ ჩიტთა ჭიკჭიკს,
ვმშვიდდები, არაფრის
არა მაქვს მე ბრაზი.

ახლა აწვიმდა...

სიგრილე ბინდივით
ჩამოაწვა ხეებს,
და წვეთი ფოთლებს ცივ
ცრემლივით რომ აზის.

გაგიხსენე შენ...

სიყვარულს ამითაც
ვერ ვაყენებ ფეხზე.
ვწევარ მე დიდ ხის ქვეშ
და ნაკლებად მაწვიმს!..

ნიკოლოზ ქართველი (ძამიაშვილი) - 23.07.2015