მთავარი » » ნიკოლოზ ქართველი (ძამიაშვილი) - მე დღეს ვიარე ლიანდაგზე / nikoloz qartveli (dzamiashvili) - me dghes viare liandagze

1:31 PM

ნიკოლოზ ქართველი (ძამიაშვილი) - მე დღეს ვიარე ლიანდაგზე / nikoloz qartveli (dzamiashvili) - me dghes viare liandagze

მე დღეს ვიარე ლიანდაგზე,
იქამდე სანამ ფეხები მომეკეცა,
შემდეგ წამოვწექი ცოტახნით,
ავდექი
და
გავაგრძელე გზა.
ამ უსასრულობაშიც კი
ვერ გიპოვე
და
ახლა ვცდილობ
როგორმე დაგწერო,
სავსე გულით -
ცარიელ ფურცელზე!..

... ... ... ... ... ... ... ... ... ...

გავარტყვი ყოველივე
ჩემგან შენდამი
ნაგრძნობ ლექსსა და ჩანახატს.

ერთხელაც ავიწყვეტ,
დაგელაპარაკები
იმაზე -
რაც მსურს,
მაწუხებს,
არ მაძინებს,
მტკივა
და
ჩაგეხუტები...

მერე თუნდ
გადამთელო,
გამსრისო,
გამანაწევრო
დასასვენელბლად ლიანდაგზე წამოწოლილი,
რომელიმე უგონოდ წაშლილი მთვრალის
მსგავსად,
ან
უბრალოდ,
გამიგო
გიჟს,
მაჩუქო შენი,
ყველასგან განსხვავებული
ღიმილი
და
მაკოცო!..