მთავარი » 2018 » იანვარი » 25 » ვაჟა ხორნაული - წვიმა უდაბნოში / vajha khornauli - tsvima udabnoshi
6:21 PM ვაჟა ხორნაული - წვიმა უდაბნოში / vajha khornauli - tsvima udabnoshi
***
მზესა და მიწას შორის
ცელმა გაიელვა
და ღრუბლის კალთაში
ჩაცვივდა ყვავილები.
***
შვილმა დედას უყვირა
და ბზარმა გაირბინა
კედლიდან კედელში.
***
წიგნი
თაროდან ჩამოვარდა
და ავტორი
შეკრთა სამარეში.
***
თითქოს ღმერთს დაუჩოქა
ისე ჩაიშალა
მიტოვებული კოშკი...
***
სიცოცხლე მაშინაა ლამაზი
როდესაც ერთნაირად ძნელია
ადამიანთან
და ხესთან განშორება.
***
ნუ გადააბიჯებ გუბეს
რომელშიც შენთან ერთად
მოჩანან ვარსკვლავები.
თაიგულით
შევიდა ზღაპარში
საიდანაც უთოთი
და ცოცხით დაბრუნდა.
***
სამოთხიდან მოსული
მგზავრებივით
წყაროსთან
ჩამომდგარან ხელადები.
***
უღრანის სიღრმიდან
უცნაური სიჩუმე დაგიძახებს
ივლი ივლი
და წყაროს მიადგები.
***
ან იქნებ ესაა სიყვარული-
გული რომ ვარსკვლავებში შეერევა
და პატრონი ვეღარა პოულობს.
გამოხატეთ თქვენი აზრი მოცემული ლექსის შესახებ კომენტარის სახით!..
|
|
კატეგორია: ლექსები |
ნანახია: 723 |
დაამატა: nikolozqartveli
| ტეგები:
| რეიტინგი: 0.0/0 |
|
|
სტატისტიკა
სულ ონლაინში: 1 სტუმარი: 1 მომხმარებელი: 0
|
