მთავარი » 2018 » იანვარი » 25 » ვაჟა ხორნაული - სტუმარი ციდან / vajha khornauli - stumari cidan
6:30 PM ვაჟა ხორნაული - სტუმარი ციდან / vajha khornauli - stumari cidan
***
სიყვარული რომ არა
არ გამოჩნდებოდა
უდაბნოს შუაგულში გვირილა
და ჩიტი ოკეანის თავზე.
***
მლოცველი
ერთ ადგილს მიჯაჭვული
როგორც ფუტკრიანი ყვავილი.
***
მიწის სარკმლებიდან
გამოწვდილი
ხელები გეგონება
ახლად შემოთოხნილი
ნერგები...
***
და გული დამშვიდდა
როდესაც დაინახა
რომ მზის ბზარი
სარკმლისა ყოფილა.
***
რა ქნას შველმა
როდესაც ტყის გარეთ
მზე და სიკვდილია
ხოლო ტყეში
სიჩუმე მგლებისა.
***
დარდი და სიხარული
ერთად კი არიან
მაგრამ ვერ ხედავენ ერთმანეთს
როგორც ერთი სახის თვალები.
***
ზოგჯერ მიწისძვრა
ისეთი მსუბუქია
თითქოს ზეციერმა
ახლად ამწვანებულ
ჰორიზონტს გადაუსვა ხელი.
გამოხატეთ თქვენი აზრი მოცემული ლექსის შესახებ კომენტარის სახით!..
|
|
კატეგორია: ლექსები |
ნანახია: 735 |
დაამატა: nikolozqartveli
| ტეგები:
| რეიტინგი: 0.0/0 |
|
|
სტატისტიკა
სულ ონლაინში: 1 სტუმარი: 1 მომხმარებელი: 0
|
