რობერტ მესხი - სარკეები / robert meskhi - sarkeebi

დაცლილი ჰოლი.
დიდ სარკეებში ვირეკლები
მარჯვნივ და მარცხნივ.
ვიცოდე მაინც,
რომელში ვარ უფრო ნამდვილი?..
შენ არ ითვლები,
შენი თვალების სარკეებში
ნეკერჩხალს ვგავარ,
მეყსეულად ფოთლებშემოცლილს...

კომენტარები: 0 / ნანახია: 827 / თარიღი: 2017-12-18 / 9:58 PM / ორშაბათი

რობერტ მესხი - გაუცხოება / robert meskhi - gauckhoeba

დღეს ჩვენი გზებიც გადათხარეს ბულდოზერებმა,
და მტვრით და შიშით ამოევსოთ ხეებს თვალები;
გრძელდება თურმე საიდუმლო - ცაზე - სერობა
ცხრავე პლანეტის... აქ ელიან როგორც ცვალებად
მოღრუბლულობას, ისე წვიმებს ცისფერ რტოებად; -
(არ შეაწუხებს მარტის ქარსაც სინდის-ნამუსი...)
... კითხვის გაგრძელება »

კომენტარები: 0 / ნანახია: 810 / თარიღი: 2017-12-18 / 9:56 PM / ორშაბათი

რობერტ მესხი - დედა (სიზმარი) / robert meskhi - deda (sizmari)

სულ ტყუილად მომისაკლისე, -
მე აქ ვარ, კართან...
ჩავაცივდი ქარვის საკინძეს.
შრიალებს ფარდა,
შემოდგომის ფოთლების მსგავსი.
დატოვე ხავსი,
ხმელი ხავსი სითბოს ინახავს,
სანთლის
და შენი სიფრიფანა ხელების
სითბოს.

კომენტარები: 0 / ნანახია: 738 / თარიღი: 2017-12-18 / 9:55 PM / ორშაბათი

რობერტ მესხი - ტიტები / robert meskhi - titebi

ჩამძინებია ტაქსში - დაღლილს,
გამშლია ხელში თაიგული მარტის ტიტების,
არადა, მახსოვს, რომ გიყიდე, კოკრები ჰქონდათ.

მოვდივარ ახლა, -
მომაქვს ხუთი შავგულა ტიტა
და მთელი ტაქსი
ტიტის სურნელი...

კომენტარები: 0 / ნანახია: 1031 / თარიღი: 2017-12-18 / 9:53 PM / ორშაბათი

რობერტ მესხი - მონატრების ლექსი / robert meskhi - monatrebis leqsi

ოცდამეცხრე დამემართა მარტი,
სახიფათოდ მივადექი კბოდეს,
ნოსტალგია როცა ძვლებში მამტვრევს,
კვლავ შენს სახელს ვბოდავ...

ვიიონი დამესიზმრა გუშინ,
მონ-პარნასი, დატბორილი სიტე,
სურნელება ჩამასუნთქე ნუშის,
იქნებ მოვრჩე კიდეც.

კომენტარები: 0 / ნანახია: 811 / თარიღი: 2017-12-18 / 9:52 PM / ორშაბათი

რობერტ მესხი - ეკლესიას გავუჩერდი დღეს / robert meskhi - eklesias gavucherdi dghes

ცისარტყელა უშფოთველად წევს,
ვითომ შენი გაკაწრული წარბია,
თუ ერთი დღე უდრის ათას წელს,
წლები ახლაც დღეებივით გარბიან.

მილხინს? - მაინც შენკენ ვიწვდი ხელს,
მიჭირს? - ისევ შენ მოგმართავ ვედრებით,
ეკლესიას გავუჩერდი დღეს,
უცნაურად უბრწყინავდა კედლებ ... კითხვის გაგრძელება »

კომენტარები: 0 / ნანახია: 720 / თარიღი: 2017-12-18 / 9:50 PM / ორშაბათი

რობერტ მესხი - დელტაბორიო / robert meskhi - deltaborio

რას ვტოვებ, ჩემო? -
შემცივნებულ ლექსებს რვეულში,
ფოთოლცვენას დაუსრულებელს,
(და არა მარტო...)
ბუდემოშლილ მერცხლებს -
ჩემსავით,
ორიენტირი რომ დაკარგეს თბილი ქვეყნების...
რას ვტოვებ? -
სიზმარს,
სიცხეს,
ქვიშას,
ბუტაფორიას... ... კითხვის გაგრძელება »

კომენტარები: 0 / ნანახია: 869 / თარიღი: 2017-12-18 / 9:48 PM / ორშაბათი