ვიცი რომ დამიცდი, მე კიდევ არ ვიცი რას ვგრძნობ და განვიცდი, მიყვარხარ?! არ ვიცი და ამას განვიცდი, გტოვებ და მივდივარ, მეტს ვეღარ დავიცდი; არ ვიცი ყველაფერს ასე რად განვიცდი და მაინც არ ვიცდი, შენთვის არ ვიცლი, ცრემლებს არ ვითვლი, არც ფიქრებს დავითვლი; მივდივარ, არ გიცდი და უკვე დაგცილდი... იცოდე, რომ სხვაში არასდროს გაგცვლიდი, განცდებს და ტკივილებს ბოლომდე დავცლიდი, გულის და გონების ადგილებს გავცვლიდი... მე უკვე შენს მზერას ძალიან გავცილდი, ახლა განვიცდი, ასე რომ დაგცილდი, უშენოდ მცივა და მგონი გავცივდი, მივდივარ, არ ვიცდი და ისევ განვიცდი...
რუსა კილაძე
გამოხატეთ თქვენი აზრი მოცემული ლექსის შესახებ კომენტარის სახით!..
