მთავარი » 2013 » თებერვალი » 25 » ბაჩო ზაქაიძე - ქალბატონო / bacho zaqaidze - qalbatono

4:42 PM

ბაჩო ზაქაიძე - ქალბატონო / bacho zaqaidze - qalbatono

მომიტევე უნებლიე სითავხედე,

შენზე ფიქრი დავიჩემე ქალბატონო,

ცხოვრებაში კიდევ ერთხელ ვითავხედე,

ნუ დამძრახავ, რადგან მინდა გაბატონო.

სხვას ეკუთვნი გამაგიჟებ ქალბატონო,

ჩემ ცხოვრებას ღერი-ღერზე ვეწევი,

დავიღუპო არ ვინაღვლებ, კი ბატონო,

ოღონდ მითხრა რომ ოდესმე მეწვევი.

ყოველ ღამე დასეირნობ ჩემ ფიქრებში,

ქალბატონო ნეტა ვისი ბრალია?

პასუხს ვეძებ გარინდებულ ცივ ფიფქებში,

ანგელოზი თუ ნამდვილი ქალია ?!

ცას ავხედე, სამოთხისკენ გავიხედე,

იქ დავიწყე შენი ძეგლის შენება,

ვერ გავძელი შენ სურათზე დავიხედე

და დაჩრდილე ზეციური მშვენება.

შეგიყვარე ვეღარ ვმალავ ქალბატონო,

მომერიე, შენზე ფიქრში დამიმონე,

ვეღარ შევძლებ დუმილი რომ ვაბატონო,

ეს გრძნობები სიყვარულად გამიგონე.

შენთვის ალბათ სამუდამოდ ვიმონეტებ,

ეს სიტყვებიც შენთვის ალბათ მტვერია,

კალამს ვიღებ მიანც შენთვის ვიპოეტებ,

სიყვარული თავზე გადამმტვრევია.