მთავარი » » ბაჩო ზაქაიძე - სულის სარკე / bacho zaqaidze - sulis sarke

11:05 PM

ბაჩო ზაქაიძე - სულის სარკე / bacho zaqaidze - sulis sarke

სარკეში სილუეტის შეხედვას ვბედავ,

ჩემი მსგავსება შემომაჩერდა,

რაღაცას მიხსნის, მაგრამ რას ნეტავ?

გამაშეშა და წამიც გაჩერდა.

თვალს თვალში მიყრის, ცდილობს გამხადოს,

ჩემი სიბნელე ნათლად ასახოს,

სურს ცოდვის ბუდეს ფარდა ახადოს,

რაღაც ახალი უნდა დასახოს.

ჩვენი მსგავსება არვისას არ ჰგავს,

მისი ბუნება მიაგავს ნაგავს,

მისი ბოროტი ჩემს კეთილს ჩაგრავს,

ცდილობს ჩამძიროს სიმტკიცე აკრავს.

მან დამითანხმა წარსულს ჩავყევი,

ვცდილობ შევიცნო მისი სამყარო,

მის დავიწყებულ წყვდიადს გავყევი,

ძალა არ მყოფნის ნისლი გავყარო.

ცეცხლი გამოჩნდა რწმენას ატიალებს,

ბნელით ნათელი ვულკანის ლაფია,

ვხედავ სიცილით ცეცხლს დასტრიალებს,

ლუციფერი და მისი ’’მაფია’’.

ანგელოზი ჰყავთ დაბმული ჯაჭვით,

ძალა არ შესწევს ლოცვა იკითხოს,

ბოროტი სატანა დასცინის მანჭვით,

ვიღას რათ უნდა ეს განიკითხოს.

სულს მიბინძურებს მდინარე სისხლის,

ლოცვის მაგივრად გოდება ისმის,

სიწმინდეს ფერი დაედო ნისლის,

შავი სატანა ბნელ ისრებს ისვრის.

ეშმაკი მიუძღვის ცოდვების ფარას,

ყველა წმინდა გზა გათელილია,

თვით ანგელოზი რომელიც ფარავს,

მისი სულიდან განდევნილია.

წამი გაგრძელდა რწმენით ქებული,

ჩემი ცხოვრებით სულ მთლად გავბრუვდი,

სატანის ხილვით შეშფოთებული,

მამა ღმერთისკენ ლოცვით დავბრუნდი.