მთავარი » » ბაჩო ზაქაიძე - სიკვდილის ანდერძი / bacho zaqaidze - sikvdilis anderdzi

11:30 PM

ბაჩო ზაქაიძე - სიკვდილის ანდერძი / bacho zaqaidze - sikvdilis anderdzi

ერთხელ უაზროდ ვფიქრობდი,

დრო კი უჩემოდ მირბოდა,

ხელს ცხელი ჩაით ვითბობდი,

რაღაც სიახლე მინდოდა.

თეთრად ვხედავდი სიბნელეს,

ეჭვებს ვბადებდი ნდობაში,

ასაკს ვპარავდი სიბერეს,

სასმელს ვჯობნიდი თრობაში.

მომავალს ყალბად ვიქმნიდი,

ვსახავდი უმიზნო მიზნებს,

დროში დროებას ვითვლიდი,

მკაცრად ისრებს რომ მიმიზნებს.

წამებს წამებით ვაწამებ,

წყალში დავახრჩობ სისველეს,

სიცივეს თბილით ვამწარებ,

დრო დაღლილობით ისვენებს.

წარსულზე ქვევით ხოხავდა,

ძილში მძინარე ბავშვობა,

მდუმარე სმენით მბოღმავდა,

თვალზე ცრემლების გაშრობა.

სინდისს შავ-ბნელი ამალით,

ცივ ნაფლეთებად ვიცვენდი,

სიკვდილს მოვკლავდი კალამით,

ანდერძად სურვილს მივცემდი.

სიკვდილს ვუსრულებ პირობას,

სურს მასთან ერთად წავიდე,

გზას ვინღა გადამიღობავს,

დროა მიწიდან გავიდე.

უბრალოდ მსურდა ცხოვრება,

სადაც ბავშვობა ნავარდობს,

სიკვდილით სულის ცხონება,

ყველა ცოდვას რომ გაგვანდობს.