მთავარი » 2013 » თებერვალი » 25 » ბაჩო ზაქაიძე - თვითმკვლელობამდე / bacho zaqaidze - tvitmkvlelobamde

11:43 PM

ბაჩო ზაქაიძე - თვითმკვლელობამდე / bacho zaqaidze - tvitmkvlelobamde

თუ ვერ აიხდენ დასახულ ნატვრებს,

ფიქრობ ცხოვრება აზრწასულია,

ძველი გოდება ახალსაც ამტვრევს,

შენც დანებდები, დასასრულია!

გაუფასურდა შენი სიცოცხლე,

აღარ ისახავ მომავლის მიზანს,

ნუ აჩქარდები კიდევ იცოცხლე,

დროს მიენდე და თავისას იზამს.

აღარ გექნება შანსი მეორე,

გულის ცემა თუ წამებს ჩამორჩა,

ნუ დანებდები გაიმეორე,

დაფიქრდი ალბათ რამე გამოგრჩა.

მომავლის რწმენით არ დაიცალო,

გზები განახებს თავის სისწორეს,

თუ შეეცდები, რომ შეიცვალო,

სუნთქვა ყველაფერს გადაგისწორებს.

მეც ვიცი არ გავს ეს დედამიწა,

სამოთხის კარს და დაკარგულ ედემს,

მაგრამ რად გინდა გეყაროს მიწა,

გავდე მომაკვდავ მდუმარე გედებს.

ყველა ნაბიჯი სწორად გათვალე,

გაბრიელი კი არსად არ წავა,

ცოდვა განკითხვის დღემდე დათვალე,

გახსოვდეს სული ზეცამდეც ავა.