მთავარი » » ნიკა ჩხეტიანი - ქალი

2:38 PM

ნიკა ჩხეტიანი - ქალი

დასაბამიდან ქალი ქარია,

დედის მუცლიდან სიოდ ვლენილი,

მოუდრეკელი გრძნობის არია

და სურნელება ვარდს მოფენილი.

სიყმაწვილეში სიოც ბობოქრობს–

უმატებს ქროლვას, ხდება ნიავი,

მისი სხეული აღარც კი მორცხვობს

და ხორციც ხდება შეუნიღბავი.

ვეღარ აკავებს ნიავსაც მერე

სულს დადებული ბორკილი რიდის,

ამ ქარიშხალზე პოემებს წერენ,

მყარი ბიჯგია ცხოვრების ხიდის.

შემოიჭრება გრიგალად ბოლოს,

მოაპობს, ანგრევს, ლეწავს და ხეთქავს,

იმ ერთადერთთან საწოლში ბრძოლობს

და გულიც სადღაც სიღმიდან ფეთქავს...

მაგრამ არსებობს განგების ნება,

დასასრული ხიმ ახლავს ყველაფერს,

ქალი გრიგალი წვიმით ჩაქრება,

შავ–თეთრად ხედავს ირგვლივ ყველა ფერს.

ხვედრია მწარე ეს ეპილოგიც,

ნაცრემლი წვიმა ტუჩზე გაშრება,

ჩაბნელებული დღის ეპიზოდი,

როდესაც ქალი ქვრივად დარჩება....