ნეკერჩხალი სიყვარულის მბრძანებელი, წითელ ფოთლებს ზეწარივით აფენს მიწას,.. დაგინახე, გავწითლდი და დავიბენი, მერე უკვე ყველაფერი მიმავიწყდა. შევაგროვე შემოდგომა ხის ფოთლებით, შარი-შურით მივაბიჯებ ფიქრიანი, შემიყვარე, თორემ ისევ გალოთდები, ნუ მიყურებ, კაბა როცა მიფრიალებს... შემოდგომა ფოთოლცვენით შეიმოსა, თვალებში კი აგნთებია ნეკერჩხალი, ვიცი გინდა გამაბრაზო, ახლა როცა- ჩამიარე გვერდით, თითქოს ვერც მიცანი. შემიყვარე, ზამთარში რომ არ შეგცივდეს, სანამ სულ მთლად გაიყინა ნეკერჩხალი, შემიყვარე, არ მინდა რომ გამიცივდე, უფულოდ ვარ, დამედება წამლის ვალი. ნეკერჩხალი სიყვარულის მბრძანებელი, წითელ ფოთლებს ზეწარივით აფენს მიწას, შეგეჩეხე ქუჩის ბოლოს-დავიბენი, ჩაიარე შარა-შუკა გადაწითლდა.
გამოხატეთ თქვენი აზრი მოცემული ლექსის შესახებ კომენტარის სახით!..
