მთავარი » 2015 » თებერვალი » 6 » სულხან წულუკიძე - ის რაც დამრჩა ... / sulkhan tsulukidze - is rac damrcha ...

7:12 PM

სულხან წულუკიძე - ის რაც დამრჩა ... / sulkhan tsulukidze - is rac damrcha ...

ახლად აქოჩრილს ვუმზერდი ფერდობს,
მეხატებოდა ლექსად ჯოკონდა,
მე სილამაზე ლანგარზე მედო,
და შესაწირად თქვენთვის მომქონდა.

ლექსების მწკრივი თვალებ გახელით,
საფრთხობელებად ედგათ დემონებს,
და მიხაროდა როგორც კახელი,
თავის ღვინოს რომ დააგემოვნებს.

და მიხაროდა როგორც მერცხლების,
მაისის მზეში განავარდება,
ვით აფეთქება მზის ნაპერწკლების,
და სიყვარულის ცეცხლად ანთება.

მაგრამ რა არის ქვეყნად მარადი,
უკვდავება რომ მოკვდავს მეძებნა,
გამეფებულა სულში ღალატი,
და ხორცის სუნიც იგრძნეს მხეცებმა.

ახლა ოცნება ცას ვეღარ აღებს,
ის დამემართა რაც არ მეგონა,
ახლა მე ვხედავ დემონის სახეს,
ჩემი სისხლი რომ დააგემოვნა.

დაიმსხვრა კოშკი, ფერდობი დაჭკნა,
ჩემი მშვენება გაქრა ჯოკონდა,
და სიყვარული ტკივილად დამრჩა,
შესაწირად რომ თქვენთვის მომქონდა.