მთავარი » » სულხან წულუკიძე - წუთები მოჰგვანან უაზრო მინიმებს / sulkhan tsulukidze - tsutebi mohgvanan uazro minimebs

8:56 PM

სულხან წულუკიძე - წუთები მოჰგვანან უაზრო მინიმებს / sulkhan tsulukidze - tsutebi mohgvanan uazro minimebs

წუთები მოჰგვანან უაზრო მინიმებს,
ტკივილებს ფიქრებმა ტკივილი შემატეს,
ამ სტროფით ვასრულებ სათქმელის მინიმუმს,
ვეშვები, მოვილტვი, მოვდივარ შენამდე.

ოთახი ჩემს გარდა არავის განიცდის,
მაგიდას აძინებს ზღაპრები ეზოპეს,
იძინებს მაგიდა, მე ძილიც არ ვიცი,
განწირულ ყვირილით ვეძახი მეზობელს.

რომელიც არ მყავს და არასდროს მყოლია,
არასდროს ყოფილა სხეულთან არავინ,
მინებზე მოთეთრო ათასი ზოლია,
მინებზე, რომლებასაც წვიმები ბზარავენ.

მცირდება ოცნება, თან უფრო აცივდა,
წუთები კვლავ ჰგვანან უაზრო მინიმებს,
გაბარებს არსების უმეტეს ნაწილს და,
ვიტოვებ უშენო სუნთქვების მინიმუმს.