მთავარი » » სულხან წულუკიძე - პირველ თოვლამდე / sulkhan tsulukidze - pirvel tovlamde

10:27 PM

სულხან წულუკიძე - პირველ თოვლამდე / sulkhan tsulukidze - pirvel tovlamde

ვხვდები თუ როგორ ცივა მთაწმინდას,
ქარია, ის კი თითქმის შიშველი,
ბათუმში გუშინ ისე გაწვიმდა,
მადამ, ქოლგამაც ვეღარ მიშველა.

ვიცდიდი, ქუჩებს ფიქრებს ვუშენდი,
ვიდექი მარტო ზართა რეკვამდე,
მერე საღამოს ალა ფურშეტზე
მადამ, ჭადრები ისე ცეკვავდნენ,

ტოტთა ნაწნავში თითქოს მოგლანდეთ
და თავხედურად გამოვესარჩლე,
შეკრთა უეცრად, მე კი ვერ დავრჩი,
წამოვედი და პირველ თოვლამდე

იქნებ გიხილოთ სადმე, ვინ იცის,
მაგ დალალების ხლართში გავება,
ისე მცირეა ახლა თბილისი,
მადამ, ნამდვილად მეცოტავება -

სათქვენოდ, თუმცა გაქრება ფითრიც,
ვიცინებთ, ვივლით, მადამ ო, რამდენს,
ვიჩქარი თქვენსკენ მანძილებს ვითვლი,
მოვასწრო იქნებ პირველ თოვლამდე...