მთავარი » » სულხან წულუკიძე - სულში ჩაიხუტა, კოცნა პელაგიამ / sulkhan tsulukidze - sulshi chaikhuta, kocna pelagiam

10:31 PM

სულხან წულუკიძე - სულში ჩაიხუტა, კოცნა პელაგიამ / sulkhan tsulukidze - sulshi chaikhuta, kocna pelagiam

სულში ჩაიხუტა, კოცნა პელაგიამ,
წინ-წინ გაპარული ჩემი კრიმანჭული,
ამ ძველ ორღობეში სუნთქვა მეკარგება,
მაგრამ არ ვუშვებ და მაინც ვინარჩუნებ.

ურმის ნაანდერძალ ჭრილში სავალალოდ,
მარტოდ დარჩენილი სოფლის ვედრებაა
ჰოდა, გავყვები და ფიქრებს დავალაგებ -
ტყიდან მოტანილი ცაცხვის ცხედრებივით.

ჰოდა, სახლშიც შევალ, გულო გაინაზე,
ნუთუ დაგავიწყდა ოდა - ბელეტაჟით,
იქ ხომ მირაჟებად გვიცდის აივანზე,
გოგო მოვარდისფრო წითელ ბერეტაში.

სულში ჩავიხუტოთ ისე გაგიჟებით,
როგორც პელაგიამ კოცნა კრიმანჭული,
და თუ აბსურდია ჩვენი ნაბიჯები,
მათზე ოცნებას ხომ მაინც ვინარჩუნებთ.