მთავარი » 2015 » თებერვალი » 7 » სულხან წულუკიძე - არ იცი / sulkhan tsulukidze - ar vici

10:29 AM

სულხან წულუკიძე - არ იცი / sulkhan tsulukidze - ar vici

არ ვიცი იქნებ მართლა გინდა რამე დაწერო,
პოეტი? არა! სტატუსებს ხომ ზევით ადგენენ,
რვეული, ვიწრო ნახაზები, თეთრი საცერი
და გინდა ასე მოიშუშო ბევრჯერ ნატკენი.

იხსენებ, მძიმე ნაფაზები ფილტვებს კუპრავენ,
ვერ მოინელე ჰიროსიმა და ნაგასაკში
იმაზე მეტი დაგეხოცა ვიდრე უბრალოდ,
შენ შეგიძლია წარმოდგენა, თან მაგ ასაკში

როცა ბავშვობას ვერ ანებებ წასვლას, ჭირვეულ
დღეებს და თითქოს შემცირებულ დროის ინტერვალს,
უშენ უზომოდ რაც ხელებში გყვება პირველი
და გინდა ბედზე ცოდვიანი კისრის მიმტვრევა

და მაინც ნუთუ რამედ ღირდა ამის დაწერა,
პოეტი არ ხარ, სტატუსებს ხომ ზევით ადგენენ,
რვეულის ვიწრო ნახაზებში სევდა გაცერი,
მაინც ვერაფრით მოიშუშე ბევრჯერ ნატკენი -

გული.