მთავარი » » სულხან წულუკიძე - წერილი / sulkhan tsulukidze - tserili

10:30 AM

სულხან წულუკიძე - წერილი / sulkhan tsulukidze - tserili

აკორდი მძიმე, ფორტე და ფორტე,
ოქტავის მიღმა სძინავს პიანოს,
ვწუხვარ რომ შენი თითებით მორთულ
დედაქალაქში დავიგვიანე.

და ალბათ არც კი მელოდი კართან,
გატაცებული პეპლების ჭერით,
მე მაინც მწამდა არაფრის გარდა,
ყველაფერი რომ ხდებოდა ჩემი.

მე ახლაც გხედავ, თვალებით ნუკრის,
ალაგებ ქალაქს, ეზოებს ვიწროს
და ასჯერ დაკრულს ათასჯერ ვუკრავ,
წარსულიდან რომ მომავლად გიგრძნო.

აკორდი ისევ, ფორტე და ფორტე,
ოქტავის მიღმა სძინავს პიანოს,
ოთახი ცელქი ნოტებით მოვრთე,
(ვიცი არ მოხვალ,
ისევ არ მოხვალ)
მაინც არ მინდა დააგვიანო.