მთავარი » » სულხან წულუკიძე - თოვს. თბილისი კი სიცივეში ბებერ დონიტას წააგავს / sulkhan tsulukidze - tovs. tbilisi ki siciveshi beber donitas tsaagavs

10:49 AM

სულხან წულუკიძე - თოვს. თბილისი კი სიცივეში ბებერ დონიტას წააგავს / sulkhan tsulukidze - tovs. tbilisi ki siciveshi beber donitas tsaagavs

თოვს. თბილისი კი სიცივეში ბებერ დონიტას
წააგავს, თითქოს სამყაროა როგორც სენსორი,
და რომ ვიპოვო განსხვავება ცას და შენს შორის,
მგონია უნდა გიყურებდე ღმერთის დონიდან.

მგონია უნდა შევაჩერო ყველა ხამხამი.
ლექსებმა, ისიც გათენების წინ თუ იციან,
რომ ჩემი მწირი პოეტური ინტუიცია
მეყოფა გითხრა რა მოხდება კარგო ამ ღამით.

როცა თოვაა,თბილისი კი ბებერ დონიტას
წააგავს, როცა სამყაროა თითქოს სენსორი.
და რომ გიპოვო უხილავო ჩემს და შენს შორის
გადაჭიმული ტკივილები სიკვდილს მომიტანს.