მთავარი » » სულხან წულუკიძე - უბრალო ამბავი (მარიკოს) / sulkhan tsulukidze - ubralo ambavi (marikos)

10:56 AM

სულხან წულუკიძე - უბრალო ამბავი (მარიკოს) / sulkhan tsulukidze - ubralo ambavi (marikos)

მე გითხარი რომ შენ ხარ ჩემი ჩიტი, ნიბლია,
(ამბობობენ თურმე ლამაზია, აბა რა ვიცი?!)
ამ შემთხვევაში სიტყვებს უფრო მეტი ხიბლი აქვთ,
და უფრო მეტი უფლება აქვთ გითხრან თავისით,

ის თუ როგორი ტკივილია ბედთან ნათლობა,
ისიც რომ შენი თმები ღმერთის ანაბეჭდია,
მე ახლა მხოლოდ იმის გამო მეთქმის მადლობა,
რომ გსურდა ყველა სხვა ღვთაება გადაგეჩრდილა

ჩემში, სხვაგვარი წუხილია,სულთან გაყრილი,
დღეები მეჩხრად შემორჩენილ ზამთარს რიყავენ,
ღმერთს, ამ წელიწადს, მერამდენედ მოჰყავს აპრილი,
(სასაცილოა) ჯერ ცოლადაც ვერ მოგიყვანე

მე და მინდება გულთან შენი გული მივიდო,
თმები ხომ, შენი თმები ღმერთის ანაბეჭდია,
შენ მოევლინე ამ ქვეყანას მხოლოდ იმიტომ,
რომ ჩემში ყველა სხვა ღვთაება გადაგეჩრდილა.