მთავარი » » სულხან წულუკიძე - ვწერ და სისველეს ვეღარაფრით ვეღარ ვპატიობ / sulkhan tsulukidze - vtser da sisveles vegharafrit veghar vpatiob

11:25 AM

სულხან წულუკიძე - ვწერ და სისველეს ვეღარაფრით ვეღარ ვპატიობ / sulkhan tsulukidze - vtser da sisveles vegharafrit veghar vpatiob

ვწერ და სისველეს ვეღარაფრით ვეღარ ვპატიობ
ამინდს რომელსაც აღარ შერჩა ძალა გამოდრის,
ამ დროს გიჟი თუ მოისურვებს ჩართოს რადიო,
რადგან წერა და სიყვარული აღარ გამოსდის
გათენებამდე უსაშველოდ მთვრალმა deep purple-ის"
"child in time" მოუსმინოს ვინმე ქართველის
შესრულებით და ნამწვავებით სავსე საფერფლეს
ელაპარაკოს სიყვარულზე,ფეხით გათელილ,
ყველაგზამოჭრილ სიყვარულზე....
მე ასე ვცხოვრობ.
კედლის ხალიჩას ვუსახსოვრე მეომარივით,
ჩემი ფრანგული,ჩემი გორდა,ჩემი სიათა,
ყველაზე ყალბი პოეზია პოეზიათა
შორის ეს გზაა,ჩემი გზაა და მე არ ვივლი
ამ გზაზე,ჯობდა საკუთარი სისხლი მეწოვა,
ცეცხლმოკიდებულ საგულეში როცა მეწვოდი,
და რადგან ახლაც მეწვება და ერთი ბეწოა
გული,ყოველდღე მითავდები ერთი ბეწოთი.
ქრის ქარი,სულაც აღარ მტკივა,ქარში რაც ისმის,
მე აქ ვარ-შიგნით,ჩემს ოთახში,გარეთ ქარია.
ისე მახრჩობს და ერთდროულად მხიბლავს რასიზმი,
რომ ვეღარ ვიტან შემოდგომას ფერადკანიანს
და უთავბოლოდ უმწეო ვარ,როგორც ამინდი
რომელსაც თითქმის აღარ შერჩა ძალა გამოდრის,
შენ კი... შენ უნდა მაპატიო,უნდა შემინდო
რომ სიყვარულიც წერასავით აღარ გამომდის...