მთავარი » » ნიკოლოზ ტოტოღაშვილი – ლექსი ლაშა მარგიანის ძმობას / nikoloz totoghashvili - leqsi lasha margianis dzmobas

4:22 AM

ნიკოლოზ ტოტოღაშვილი – ლექსი ლაშა მარგიანის ძმობას / nikoloz totoghashvili - leqsi lasha margianis dzmobas

შენ გაგიჟდები ლაშა
თუ გიჟი არ ხარ უკვე
და მერე ფრთების გაშლა
და მერე იქით უხვევ
საითაც არის იქვე
სიგიჟის მთელი სკალა
რომ დაახეთქო პირქვე
პოეტის თავის ქალა
რადგანაც გერქვას მსგავსი
ბანალურია ძმაო
და მერე უკვე ასი
და მერე უკვე ვდაობთ
ვის უფრო მეტი სისხლში
შემორჩა ლექსის მარხვა
მე გაგიჟება მიჭირს
შენ გაგიჟებას გავხარ.
ჩვენ ერთურთისთვის ხოდა,
სულ ვამბობთ ჩემი ძმა ხარ.
და ისე ხშირად ვბოდავთ,
და ისე ხშირად მგავხარ.
ჩემში მეშლები ძმაო,
ხანდახან (შენ ხარ - მე ვარ,)
და ასე ხშირად ვდაობთ,
და ასე ხშირად გგევარ.