მთავარი » 2015 » ივნისი » 3 » ნიკოლოზ ქართველი (ძამიაშვილი) - უაზროდ გასული დღეები ... / nikoloz qartveli (dzamiashvili) - uazrod gasuli dgheebi ...

9:36 AM

ნიკოლოზ ქართველი (ძამიაშვილი) - უაზროდ გასული დღეები ... / nikoloz qartveli (dzamiashvili) - uazrod gasuli dgheebi ...

უაზრო დღე, წარმოსახვა სიზმარივით, რუსთავის პარკში ბოდიალი და რაღაცის იმედი,
ალბათ რისი სურვილიც მაქვს ...

უაზროდ გასული დღეები,
ყოველდღე ერთი და იგივე.
დრო გადის და მაინც ვერ ხვდები
ვერაფერს. უყურებ გვირილებს

ფანჯრიდან და გინდა გამოჩნდეს
ვიღაცა, ვინც მარად გაგიგებს.
გადიხარ ეზოში, ქუჩაში
და გინდა ხელი რომ ჩაგკიდოს

ვინმემ. მას, თუნდაც არ იცნობდე,
შემთხვევით გაიცნო წუთიერ.
ვიცი რომ ახლა ან კითხულობ
ან მისმენ და ვარღვევ დუმილს მე.

სიტყვებით რაც ალბათ შენც გინდა,
მაგრამ თავს ვერ იყვან იქამდე
გაბედო, (უეცრად შეგცივდა,)
და უთხრა, რომ შენც ის ინატრე,

რომ ვიღაც უეცრად უკნიდან
(იყოს ის უცნობი კაცი და)
ჩაგკიდოს ხელი და თუ გინდა
შეგხედოს.( და კადრიც გაცივდა.)

შემდეგ კი შენს თვალებს ნაღვლიანს
უყუროს და მიხვდეს რისთვისაც
გამოხველ და თუ რა დარდი აქვს
იმ სახეს რომელსაც ატარებ.

სურს გითხრას რომ მარტო დარჩა და
სველდება უბრალოდ პარკში და
ის მხოლოდ წვიმასაც ახსოვდა
და როცა ჭექაც კი გახშირდა

მავიწყებს ამ სიზმარს ისევე
ხველება, რომელიც მაღვიძებს,
ვცურაობ ფიქრებში, ვიხსენებ
იმ სიზმარს, ვწერ ლექსს და გიყურებ

მაშინვე შიში ამ ღრუბლებსაც
დაედოთ და გადა ავიწყდათ
ის გოგო, რომლის მე გვერდზე ვარ
მაგრამ ის ახლაც კი ვერ მამჩნევს.

ვიცი რომ წინა სტროფს რითმები
არ შერჩა საკენკად, სათოვად.
მაგრამ მე ისევე ვიდგები,
მის გვერდზე, შემამჩნევს უთუოდ.

ნაყინი სიცხეში დნება და
ვიცი მე ღიმილი დარდს რომ კლავს
იმედი ბოლოში კვდებაო
ვიღიმი და მინდა გაცნობა
შენი!..

ნიკოლოზ ქართველი (ძამიაშვილი) - 23.05.2015