მთავარი » » ია ჯინჭარაძე — მომიყევი, ჭრიჭინობელავ, ზაფხულის გაუთავებელ ღამეებში ... / ia jincharadze — momikevi chrichinobelav, zafkhulis gautavebel gh

7:28 PM

ია ჯინჭარაძე — მომიყევი, ჭრიჭინობელავ, ზაფხულის გაუთავებელ ღამეებში ... / ia jincharadze — momikevi chrichinobelav, zafkhulis gautavebel gh

მომიყევი, ჭრიჭინობელავ,
ზაფხულის გაუთავებელ ღამეებში
რას ჩურჩულებენ ნასახლარები?
ამ ხატს ვაჩუქებ,
ოქროს ეკლებიანს,
ვინც დამიხატავს
ჩხირკედელა ბიჭუნას,
დურგლის შვილს –
დგას და იცინის
დგას და
ჩიტებს ათავისუფლებს.
გადავშლი რომელიმე წიგნს,
მაგალითად –
“ნობელის პრემიის ლაურატები”
(გამომცემლობა ინტელექტი),
ან უფრო ძველს –
“კოლხი აიეტი და გაიძვერა იასონი”
და გავყურებ ცასავით.
აი, ჩემი ელისეის მინდვრები –
გადახრუკული კედლები
და ბეტონის მზე
და ერთადერთი ხე – კედარის.
ამბავი მოიტანეს,
როცა დაიწყება წვიმების სეზონი,
მოკლავენ.