მთავარი » 2019 » თებერვალი » 23 » ია ჯინჭარაძე — ნემსიყლაპია / ia jincharadze — nemsiklapia

7:38 PM

ია ჯინჭარაძე — ნემსიყლაპია / ia jincharadze — nemsiklapia

– არავინ ამოგათრევს ჭაობიდან! –
ჭკვიანივით თქვა.
ასე ვიჯექით, ერთმანეთის პირისპირ,
როგორც მე და შენ – მწვანევ.
ზოგჯერ მინდა დავაკაკუნო,
ბამბის ჩხრიალივით
რომ არ მეშინოდეს ალაყაფების
და კოდალებიც ყველა ქვეყნის
ისე ბევრია…
იქნებ ასე სჯობს –
ჰაერს ვცრი
და მზესავით ვიცინი.
მისნაირი ვარ!
მეზობელს მიწა უნდა გავუყო,
საზღვარზე ამოსული ხეც
მივაკუთვნო
და წავიდე,
არა ქალაქის,
თუ კონტინენტის ასაღებად
და დიდებით დასაბრუნებლად,
წავიდე, როგორც გზა,
როგორც წყალი.