მთავარი » » ია ჯინჭარაძე — ქვის ანგელოზი/ ia jincharadze — qvis angelozi

7:38 PM

ია ჯინჭარაძე — ქვის ანგელოზი/ ia jincharadze — qvis angelozi

ვერ ვიყვირე,
ჩემი ღმერთის უკეთესობა,
ვერც დანომრილი პოეტივით
ვიქეცი ყვავად,
რომ გამიხარდეს
ფრენის შესაძლებლობა.
მე, როგორც რბილი
და დამყოლი ქვა,
ქვისმთლელის ხელებში,
უხმოდ ვემსგავსები ანგელოზს,
რომელიც ცდილობს,
გადაგეფაროთ ვიწრო ფრთებით,
ვიდრე ღმერთი იგვიანებს.
თქვენ კი, ვინც გადარჩით,
გქვიათ იღბლიანი,
როგორც ამ გოგონას,
რომ დგას ნანგრევებში.
და უცნაურად იღიმება.