მთავარი » 2013 » მარტი » 18 » გიორგი ქარმელი - გათეული ღამეების არქივიდან

0:48 AM

გიორგი ქარმელი - გათეული ღამეების არქივიდან

სამოთხე ჩანს დილა როცა ახლოვდება,
სულიც სუნთქავს თავისუფლად როცა უმზერს,
ანგელოზთა სევდა როგორ გათოვლდება
დედამიწის შებღალულ და დაღლილ გულზე

და ცის დასი უგალობებს რიბირაბოს,
მზის ქალწული სანთლებს ანთებს ანუ სხივებს,
რომ წყვდიადის არეული მიმილაგოს
ჩამქრალ გულსაც უშენობას აუტკივებს.

საათები დროის ათვლას განაგრძობენ,
დრომ უფერო ანაფორა შემიკერა,
უსიცოცხლო არსებების თანაგრძნობით
იჟღინთება გამომშრალი ჩემი კერა

და ჭალებში მოჭიკჭიკე მელოდია
მესმის როგორც მიღმიერი გარინდება.
იდუმალი მიღაღადებს ელოდეო,
რომ აისი ჩვენს ბნელეთშიც აინთება...