მთავარი » » ლაშა ბიბიჩაძე - ჩემი ქალაქი

0:51 AM

ლაშა ბიბიჩაძე - ჩემი ქალაქი

ბაგრატისკენ მივუყვები ფეხით სავალს,

კიდევ ერთხელ უფალს სტუმრად ვეახლები,

ყველა შემხვედრს შევაგებებ დილის სალამს,

–მესალმება ძველებური ხის სახლებიც.

წინ მივიწევ ქუთაისის მყინვარწვერზე,

ამ ქალაქის სილამაზით დავტკბე უნდა,

განთიადზე გადაიხსნის საბანს წელზე

და რიონიც მზის სხივისკენ გადმობრუნდა.

სამჯობინოს ვერას ნახავ, გადმოხედე

წინაპრების ისტორიას გადარჩენილს,

ლოდებსა და ლოდებშუა გაშლილ ხედებს,

ღობესა და ღობეებში ძველ ქვაფენილს.

ნუთუ იგრძნობ სურნელებას სხვაგან სადმე,

რაც ამ ქალაქს ვარდობისას აქვს მაისში,

ნუთუ არის ამ სიტყვებზე კარგი რამე– მობრძანდითო რომ გეტყვიან ქუთაისში.....