მთავარი » » ბათუ დანელია - სიყვარულის კბილი / batu danelia - siyvarulis kbili

10:54 AM

ბათუ დანელია - სიყვარულის კბილი / batu danelia - siyvarulis kbili

მეზობლის გოგოს
სიყვარულის კბილი ასტკივდა და ტირის.
მშობლები იმაზე სწუხან, ამოუღონ თუ არა.
სიბრძნის კბილი რომ ასტკიებოდა,
არ იტირებდა მეზობლის გოგო
და არც მშობლები იფიქრებდნენ
მის ამოღება-არამოღებაზე,
არადა, სიბრძნის კბილი კია ამოსაღები...
სიყვარულის კბილი კი – სიყვარულის კბილია,
მაგრამ რომელია ეს – სიყვარულის კბილი?!
როდის და რა ადგილას ამოდის –
წინ თუ უკან,
მარცხნივ თუ მარჯვნივ,
ზემოთ თუ ქვემოთ?! –
არავინ იცის – ამაზე ხელი
სტომატოლოგებს არ მიუწვდებათ.