მთავარი » » როინ აბუსელიძე - ფირი / roin abuselidze - firi

9:44 PM

როინ აბუსელიძე - ფირი / roin abuselidze - firi

ჩვენ დიდი სახლი გვაქვს, ასევე
ფანჯრები, რომლებშიც დავღამდით
და თეთრი ზღაპრები ასობით,
საფერფლით, “ჯეკით” და ქაღალდით.

ამჯერად - ვენა თუ რუანდა?
ვსაუბრობთ, ვაგროვებთ ნეტავებს...
ვნებებიც მოწოლილ ჟრუანტელს,
ჩემს ზურგზე შენით თმით ხვეტავენ.

- უჩემოდ სიზმრებშიც ნუ წახვალ!... -
ფანჯრები, ზღაპრები, წვეთები.
ჩვენ დიდი სახლი გვაქვს თუმცაღა
სამ სტროფშიც მშვენივრად ვეტევით.