მთავარი » » შოთა იათაშვილი - ცხოვრების მატარებელი / shota iatashvili - ckhovrebis matarebeli

2:27 PM

შოთა იათაშვილი - ცხოვრების მატარებელი / shota iatashvili - ckhovrebis matarebeli

ჩაიქროლა დღემ.
მიაბრუნე თავი,
მზერა გააყოლე:
ხელს გიქნევს ადამიანი უთვალავი.

ჩაიქროლა თვემ.
თავი მიაბრუნე,
გააყოლე მზერა:
ბოლო ვაგონის ფანჯრებიდან
რამდენიმეღა ფრიალებს ცხვირსახოცი.

ჩაიქროლა წელიწადმა.
მიაბრუნე თავი ერთხელაც,
მზერა გააყოლე:
ბოლო ფანჯრიდან
გულმწარედ მოგყვირის ვიღაც...

ჩაიქროლა ცხოვრებამ.
მიაბრუნე თავი ბოლოჯერ,
გააყოლე მზერა:
აღარავინ გემშვიდობება.