მთავარი » 2015 » დეკემბერი » 14 » კარლო კაჭარავა - ისინი სამსახურში მიდიან / karlo kacharava - isini samsakhurshi midian

12:41 PM

კარლო კაჭარავა - ისინი სამსახურში მიდიან / karlo kacharava - isini samsakhurshi midian

ისინი სამსახურში მიდიან.
მამა ჭამს ხორცს, დედა ტელეფონზე რეკავს.
მამა ისევ უკიდებს მეორეჯერ ჩამქრალ სიგარეტს.
დედა გადის ტუალეტში.
მამა ფიქრობს თოვლზე და სხვა ქალზე.
დედა ტუალეტში წყალს რეცხავს, მამა სვამს ჩაის.
დედა ფიქრობს აბორტზე, მამა ტელეფონზე რეკავს.
დედა იცმევს პალტოს, მამა ტელეფონის ყურმილს აგდებს.
დედა ემშვიდობება მამას, მამა პასუხობს, რომ
თვითონაც მალე წავა.
მე ვნახე ისინი ერთად შვიდი თუ რვა წლის წინ
პარადის მერე, დროშებით გაწყობილ ქუჩაზე.
შვიდი, რვა წლის წინ, ე. ი. იმ დროს
როცა მაღაზიაში იყო კარაქი, ღვინო და სიგარეტი.

1990. ოქტომბერი