მთავარი » 2015 » დეკემბერი » 14 » დიმიტრი მაჩხანელი - დედას / dimitri machkhaneli - dedas
1:46 PM დიმიტრი მაჩხანელი - დედას / dimitri machkhaneli - dedas
ნუ სტირი, დედავ, ტყვედ-ქმნილო,
ნუ გაგტეხია გულია,
აღზდექ, გასწორდი წელშია,
ვით ალვა, ედემს რგულია,
დალეწე მტრისა ბორკილი,
დუშმანს გაუფრთხე სულია,
და დაიბრუნე დიდება -—
ღალატი დაკარგულია.
მას უალერსე მშობლურად,
ვინც შენი მოყვარულია,
ვინც შენთვის ცრემლებს აწვიმდა,
გულზე ცეცხლმოდებულია,
ვინც შენის გამოხსნისათვის
იყო თავგანწირულია,
ვინც შენთვის საფლავს ჩავიდა
მტრისაგან დატანჯულია;
და მას-კი გული გაუპე,
ვინც მავნე - ვერაგულია,
ვინც მალვით ძირსა გითხრიდა,
რამ ჯილდოს მონატრულია;
ნუ შეიბალებ იუდას,
გააქრე წყეულ-კრულია,
მის ლეში ძაღლებს გადუგდე,
ეშმაკს ანებე სულია!..
გამოხატეთ თქვენი აზრი მოცემული ლექსის შესახებ კომენტარის სახით!..
|
|
კატეგორია: ლექსები |
ნანახია: 961 |
დაამატა: nikolozqartveli
| ტეგები:
| რეიტინგი: 0.0/0 |
|
|
სტატისტიკა
სულ ონლაინში: 1 სტუმარი: 1 მომხმარებელი: 0
|
